21 مارچ ، 2021 
پاکستان
ڈریپ نے نجی کمپنی کی منگوائی گئی کورونا ویکسین کی قیمت تجویز کر دی
21 مارچ ، 2021
اسلام آباد: ڈرگ ریگولیٹری اتھارٹی آف پاکستان (ڈریپ) نے نجی کمپنی کی جانب سے منگوائی گئی کورونا ویکسین کی قیمت وفاقی حکومت کو تجویز کر دی۔
ذرائع کے مطابق نجی کمپنی کی جانب سے منگوائی گئی کورونا کی روسی ویکسین اسپوٹنک فائیو کی قیمت سے متعلق ڈریپ کا ہنگامی اجلاس ہوا۔
ذرائع کے مطابق ڈریپ نے روسی ویکسین اسپوٹنک فائیو کی 2 خوراکوں کی قیمت 8 سے 9 ہزار کے درمیان مقرر کرنے کی سفارش کی ہے۔
ذرائع کا بتانا ہے کہ ڈریپ کی ارسال کردہ سفارشات کی حتمی منظوری وفاقی کابینہ دے گی۔
خیال رہے کہ کراچی کی ایک فارماسوٹیکل کمپنی نے روس سے کورونا ویکسین درآمد کی تھی۔
