اسمبلی رکنیت معطلی کا معاملہ، فریال تالپور نے سندھ ہائیکورٹ کراچی سے رجوع کرلیا

پیپلزپارٹی کی رہنمااور رکن سندھ اسمبلی فریال تالپور نے کتوں کے کاٹنے کے کیس میں اسمبلی رکنیت معطل کرنے کے سکھر بینچ کے فیصلے کے خلاف نظر ثانی کی درخواست دائر کردی۔

فریال تالپور نے درخواست میں مؤقف اختیار کیا ہے کہ عوام کو تحفظ کی فراہمی سب پر لازم ہے لیکن ایم پی اے شہری حکومتوں کے معاملات مداخلت نہیں کرسکتے۔ 

انہوں نے کہا کہ سندھ ہائیکورٹ سکھر سرکٹ بینچ نے حقائق اور قانون کے برعکس ایم پی ایز کو معطل کرنے کا حکم دیا لہٰذا سکھر سرکٹ بینچ کے حکم نامے پر نظر ثانی کی جائے۔

خیال رہے کہ گزشتہ دنوں کتوں کے کاٹنے کی روک تھام نہ کرنے پر سندھ ہائیکورٹ نے رتو ڈیرو اور جام شورو کے ایم پی ایز کو معطل کرنے کا حکم دیا تھا۔