Can't connect right now! retry

کھیل
26 مارچ ، 2021

پاکستان وائٹ بال کرکٹ اسکواڈ جنوبی افریقا روانہ

پاکستان وائٹ بال کرکٹ اسکواڈ جنوبی افریقا روانہ ہو گیا  جو چارٹرڈ فلائٹ سے آج جوہانسبرگ پہنچے گا۔

پاکستان وائٹ بال اسکواڈ کے 34 اراکین میں 21 کھلاڑی اور 13 ٹیم آفیشلز شامل ہیں جب کہ بائیں ہاتھ کے بیٹسمین سعود شکیل ٹانگ میں انجری کی وجہ سے جنوبی افریقا سیریز سے باہر ہوگئے تھے اور ان کی جگہ آصف علی کو ون ڈے اسکواڈ میں شامل کر لیا گیا ہے جو پہلے ہی ٹی ٹوئنٹی اسکواڈ کا حصہ ہیں۔

 قومی کرکٹ ٹیم کو دورہ جنوبی افریقا میں 3 ایک روزہ اور 4 ٹی ٹوئنٹی میچوں کی سیریز کھیلنی ہے۔

 قومی اسکواڈ جنوبی افریقا سے 17 اپریل کو ہرارے روانہ ہوگا جہاں  پاکستان اور زمبابوے کے درمیان 3 ٹی ٹوئنٹی میچز اور 2 ٹیسٹ میچز کھیلے جائیں گے۔

ٹیسٹ اسکواڈ کے 10 ارکان 12 اپریل کو زمبابوے روانہ ہوں گے جب کہ قومی کرکٹ ٹیم دورہ جنوبی افریقا اور زمبابوے مکمل کرکے 12 مئی کو وطن واپس پہنچے گی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM