31 مارچ ، 2021 
کھیل
جنوبی افریقا کیخلاف ون ڈے سیریز، سرفراز کو بھی کھلائے جانے کا امکان
31 مارچ ، 2021
جنوبی افریقا کے خلاف ون ڈے سیریز میں قومی ٹیم کے سابق کپتان سرفراز احمد کو بھی کھلائے جانے کا امکان ہے۔
ذرائع کا بتانا ہے کہ جنوبی افریقا کے خلاف ون ڈے سیریز میں سرفراز احمد بطور وکٹ کیپر جبکہ محمد رضوان بطور بیٹس مین کھیل سکتے ہیں۔
ذرائع کے مطابق سرفراز احمد کے ٹیم میں کھیلنے کی صورت میں حیدر علی یا آصف علی میں سے کسی ایک کو ڈراپ کیا جا سکتا ہے۔
خیال رہے کہ پاکستان اور جنوبی افریقا کے درمیان ایک روزہ سیریز کا آغاز 2 اپریل سے ہو گا جبکہ دوسرا میچ 4 اور آخری ایک روزہ میچ 7 اپریل کو کھیلا جائے گا۔
ون ڈے سیریز کے بعد دونوں ٹیموں کے درمیان 4 میچز پر مشتمل ٹی ٹوئنٹی سیریز کھیلی جائے گی۔
