Can't connect right now! retry

انٹرٹینمنٹ
04 اپریل ، 2021

بالی وڈ اداکار اکشے کمار بھی کورونا کا شکار ہو گئے

فوٹو بشکریہ انسٹاگرام

بالی وڈ ایکشن ہیرو  اکشے کمار  بھی کورونا وائرس میں مبتلا ہو گئے۔ 

سوشل میڈیا پلیٹ فارم انسٹاگرام پر اکشے کمار کی جانب سے ایک پوسٹ شیئر کرتے ہوئے مداحوں کو اپنے کورونا میں مبتلا ہونے کی اطلاع دی گئی۔


اکشے نے اپنی پوسٹ میں لکھا کہ میں آپ سب کو یہ بتانا چاہتا ہوں کہ آج صبح میرا کورونا ٹیسٹ مثبت آیا ہے، تمام حفاظتی تدابیر  پر عمل کرتے ہوئے میں نے فوری طورپر خود کو آئسولیٹ کر لیا ہے، میں گھر میں قرنطینہ میں ہوں اور  ضروری طبی دیکھ بھال کر رہا ہوں، مجھ سے رابطے میں رہنے والے لوگوں سے  مخلصانہ گزارش ہے کہ اپنا ٹیسٹ کروائیں اور  اپنا خیال رکھیں۔

واضح رہے کہ کورونا کی تیسری لہر  بھارت میں بھی تیزی سے پھیل رہی ہے اور اب تک کئی اداکار  اس کا شکار ہو  چکے ہیں۔

خیال رہے کہ اکشے کمار سے قبل بالی وڈ کے متعدد اداکار بھی کورونا کاشکار ہوچکے ہیں جن میں اداکار  عامر خان، پریش راول، ملندسومن، سنی دیول، رنبیر کپور  اور ان کی والدہ نیتو کپور ، عالیہ بھٹ، کارتک آریان اور  امیتابھ بچن اور ان کی فیملی سمیت کئی شوبز شخصیات شامل ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM