کم کارڈیشین بھی ارب پتی افراد کی فہرست میں شامل

امریکا کی رئیلٹی اسٹار اور اداکارہ کم کارڈیشین ارب پتی افراد کی فہرست میں شامل ہو گئیں۔

امریکی جریدے فوربز کی جانب سے جاری رپورٹ کے مطابق رئیلٹی اسٹار اور کاروباری خاتون کم کارڈیشین ارب پتی افراد کی فہرست میں شامل ہو گئی ہیں۔

فوربز کے مطابق گزشتہ برس اکتوبر سے لے کر اب تک کم کارڈیشین کی دولت میں 20 کروڑ ڈالر کا اضافہ ہوا جس کے ساتھ ان کے اثاثوں کی مجموعی مالیت ایک ارب ڈالر سے تجاوز کر گئی ہے۔

خیال رہے کہ امریکی ریپر اور کم کارڈیشین کے مبینہ شوہر کین ویسٹ کا شمار بھی ارب پتی افراد میں ہوتا ہے اور ان کے اثاثوں کی مالیت 6 ارب ڈالر سے زائد ہے۔