Can't connect right now! retry

دنیا
07 اپریل ، 2021

بھارتی ریاست مہاراشٹرا میں ایک ہی دن میں 60 ہزار کورونا کیسز رپورٹ

بھارت میں ایک ہی دن میں کورونا وائرس کے مزید ایک لاکھ 15 ہزار کیسز رپورٹ ہوئے ہیں۔

کورونا کے حوالے سے بدھ بھارت کیلئے بھاری دن رہا اور گزشتہ 24 گھنٹوں کے دوران ریکارڈ تعداد میں کیسز رپورٹ ہوئے۔

گزشتہ 24 گھنٹوں کے دوران مزید ایک لاکھ 15 ہزار 736 کیسز کی تصدیق ہوئی جس کے بعد متاثرہ مریضوں کی مجموعی تعداد ایک کروڑ 29 لاکھ سے زائد ہوگئی۔

گزشتہ 24 گھنٹوں کے دروان کورونا سے مزید 677 افراد ہلاک ہوگئے جس کے بعد ہلاکتوں کی تعداد ایک لاکھ 66 ہزار 885 ہوگئی ہے۔

بھارت کی ریاست مہاراشٹرا میں بھی گزشتہ 24 گھنٹوں کے دوران ریکارڈ 59 ہزار 907 کیسز رپورٹ ہوئے ہیں۔ ریاست مہاراشٹرا میں سب سے زیادہ پونے اور ممبئی شہر متاثر ہے جہاں بالترتیب 11 ہزار 40 اور 10 ہزار 30 کیسز کی تصدیق ہوئی۔

دوسری جانب برازیل میں پہلی مرتبہ ایک دن میں کورونا سے 4 ہزار سے زائد اموات رپورٹ ہوئی ہیں۔

کولمبیا میں 104 سال کی بزرگ خاتون دوسری بار کورونا سے صحتیاب ہوگئیں جنہیں اسپتال کے عملے نے تالیاں بجا کر رخصت کیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM