Can't connect right now! retry

کھیل
12 اپریل ، 2021

نامور پاکستانی کرکٹرز کو ان کی خدمات کے اعتراف میں خراج تحسین پیش کرنے کا آغاز

فوٹو: پی سی بی

پاکستان کرکٹ بورڈ کے بورڈ آف گورنرز نے پاکستان کرکٹ کی نامور  شخصیات کی خدمات کا  اعتراف کرتے ہوئے انہیں خراج تحسین پیش کرنے کے لیے پی سی بی ہال آف فیم کے آغاز کی منظوری دے دی ہے۔

ابتدائی طور پر  آئی سی سی کرکٹ ہال آف فیم میں شامل چھ اراکین، حنیف محمد، عمران خان، جاوید میانداد، وسیم اکرم، وقار یونس اور  ظہیر عباس کو پی سی بی ہال آف فیم کا حصہ بنایا گیا ہے۔ 

ہر سال مزید تین شخصیات پی سی بی ہال آف فیم میں شامل کی جائیں گی، ان شخصیات کا انتخاب ایک آزاد پینل کرے گا۔

پی سی بی ہال آف فیم میں شامل ہونے والی نئی شخصیات کا اعلان ہر سال 16 اکتوبر کو کیا جائے گا، اس تاریخ کو پاکستان نے 1952 میں پہلی مرتبہ ٹیسٹ کرکٹ کا آغاز کیا تھا۔

پاکستان کرکٹ بورڈ کے چیئرمین احسان مانی کا کہنا ہے کہ پی سی بی ہال آف فیم بھی اپنے نامور کھلاڑیوں کی خدمات کا اعتراف کرنے کا ایک انداز ہے۔ 

انہوں نے کہاکہ ابتدائی طور پر آئی سی سی کرکٹ ہال آف فیم میں شامل چھ پاکستانی پی سی بی ہال آف فیم کا حصہ ہوں گے، جس کے بعد ہر سال تین نئی شخصیات اس کا حصہ بنتی چلی جائیں گی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM