27 اپریل ، 2021 
این اے 249 ضمنی انتخاب، پریزائیڈنگ افسران کو موبائل فون لوکیشن آن رکھنےکی ہدایت
27 اپریل ، 2021
این اے 249کراچی میں ضمنی انتخاب جمعرات کو ہوگا، الیکشن کمیشن نے پریزائیڈنگ افسران کو موبائل فون لوکیشن آن رکھنے کی ہدایت کردی ہے۔
این اے 249 کے ضمنی انتخابات کے سلسلے میں الیکشن کمیشن نے انتخابی عملے کو اہم ہدایات جاری کی ہیں۔
پریزائیڈنگ افسران پولنگ ایجنٹس کے سامنے فارم 45 کی تصور لیں گے،پریزائیڈنگ افسر ریٹرننگ آفیسر کو واٹس ایپ پر پولنگ ایجنٹس کی موجودگی میں فارم 45 کی تصویر بھیجے گے تاہم انٹرنیٹ کی سہولت نہ ہونے کی صورت میں پریزائیڈنگ افسر فوراً ریٹرننگ افسر کے دفتر پہنچ کر فارم 45 کی کاپی حوالے کرے گا۔
پریزائیڈنگ افسر کے موبائل پر موجود لوکیشن اور وقت کی تفصیلات کی تصویر اپنے موبائل سے حاصل کرےگا، ریٹرننگ افسر فارنزک تفصیلات کو اپنے آفس میں کمپیوٹر پر منتقل کرےگا۔
الیکشن کمیشن نے ہدایت دی ہے کہ کوئی بھی پولنگ ایجنٹ پریزائیڈنگ افسر کا دستخط شدہ فارم 45 وصول کیے بغیر پولنگ اسٹیشن نہ چھوڑے۔
276 پولنگ اسٹیشن کے باہر رینجرز اور سندھ پولیس کے اہلکار سیکورٹی کے فرائض سرانجام دیں گے، اگر کسی ووٹر کے پاس ماسک موجود نہ ہو تو الیکشن کمیشن کا عملہ اور ضلعی انتظامیہ ماسک فراہم کرے گی۔
پولنگ کے وقت ریٹرننگ افسر کے دفتر میں نتائج وصولی کے وقت ایس او پیز کا خیال رکھا جائے گا، ریٹرننگ افسر کے دفتر میں خصوصی کنٹرول روم قائم کیا جائے گا،کنٹرول روم میں ریٹرننگ آفسر کے علاہ متعلقہ ڈپٹی کمشنر، پولیس، اور رینجرز کے حکام موجود رہیں گے۔
276 پولنگ اسٹیشن کے باہر رینجرز اور سندھ پولیس کے اہلکار سیکیورٹی کے فرائض سرانجام دیں گے۔
الیکشن کمیشن نے شکایات کو نمٹانے کے حوالے سے سینٹرل اور صوبائی کنٹرول روم قائم کردیے ہیں۔
خیال رہے کہ این اے 249 میں ضمنی انتخابات کے لیے پولنگ 29 اپریل جمعرات کو ہوگی۔
