01 مئی ، 2021 
کولمبیا کے کسان نے دنیا کا سب سے وزنی آم پیدا کرکے ورلڈ ریکارڈ بنادیا
01 مئی ، 2021
کولمبیا کے کسان نے دنیا کا سب سے وزنی آم پیدا کرکے گنیز بک آف ورلڈ ریکارڈ میں نام درج کرالیا۔
دنیا بھر میں آم کا سیزن شروع ہونے والا ہے اور آم ایک ایسا پھل ہے جسے بطور تحفہ بھی پیش کیا جاتاہے اور اس کی کئی اقسام ہیں جن میں چھوٹے بڑے مختلف قسم کے آم شامل ہیں۔
لیکن آج ہم آپ کو ایسے آم کے بارے میں بتانے والے ہیں جسے دنیا کا سب سے وزنی آم ہونے کا عالمی اعزاز ملا ہے۔
اس آم کو کولمبیا سے تعلق رکھنے والے کسان نے اُگایا ہے جس کا وزن 4.25 کلو گرام ہے جب کہ اس سے قبل دنیا کے سب سے وزنی آم کا عالمی ریکارڈ فلپائن کے کسان کے پاس تھا جس نے 2009 میں 3.43 کلو گرام کا آم اُگا کر گنیز ورلڈ ریکارڈ میں نام درج کرایا تھا۔
آم کی پیداوار کرنے والے کسان کا کہنا ہےکہ وہ دنیا پر یہ ظاہر کرنا چاہتا ہے کہ کولمبیا کے لوگ نہایت عاجز اور محنت کش ہیں جو محبت کے ساتھ بہترین پھل اگاتے ہیں۔
کسان کا کہنا تھا اسے امید ہے کہ عالمی وبا کورونا وائرس کے دوران یہ کارنامہ لوگوں میں خوشی کا سبب بنے گا۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
