معروف بھارتی اداکارہ کے والد کورونا کے باعث چل بسے

بھارتی ٹیلی ویژن کی معروف اداکارہ نیہا واگھ کے والد گنیش واگھ کورونا وائرس کے باعث انتقال کرگئے۔

فیس بک پر پوسٹ کرتے ہوئے نیہا واگھ نے بتایا کہ ان کے والد گذشتہ کئی ماہ سے کورونا کے باعث اسپتال میں داخل تھے تاہم اب وہ ہم سے بچھڑ چکے ہیں۔

اپنے والد کے ساتھ بچپن اور جوانی کی یادگار تصاویر شیئرکرتے ہوئے نیہا کا کہنا تھا کہ ہمارا دل ٹکڑے ٹکڑے ہوگیا ہے، اور ہمارا سب سے مضبوط سہارا اب نہیں رہا، اس قسم کا دکھ پہلے کبھی محسوس نہیں ہوا۔

اداکارہ کا کہنا تھا کہ انسان زندگی میں کچھ بھی حاصل کرلے تاہم والدین کے کھونے کا غم کوئی چیز پورا نہیں کرسکتی۔