دنیا
Time 02 مئی ، 2021

بھارت میں کورونا کی ہلاکت خیزی برقرار، 3600 اموات اور 4 لاکھ کے قریب کیسز رپورٹ

بھارت میں کورونا وائرس کی ہلاکت خیزیاں جاری ہیں جبکہ مہلک وائرس سے اموات اور کیسز میں مسلسل اضافہ ہورہا ہے۔

بھارتی میڈیا رپورٹس کے مطابق گزشتہ 24 گھنٹوں کے دوران کورونا سے مزید 3689 افراد جان کی بازی ہار گئے ہیں جس کے بعد ہلاکتوں کی مجموعی تعداد 2 لاکھ 16 ہزار سے تجاوز کرگئی۔

رپورٹس میں بتایا گیا ہے کہ گزشتہ 24 گھنٹوں کے دوران 3 لاکھ 92 ہزار نئے کیسز کی تصدیق ہوئی جس کے بعد متاثرہ مریضوں کی تعداد ایک کروڑ 99 لاکھ سے زائد ہوگئی۔

بھارتی ریاست دلی، مہاراشٹر، مغربی بنگال کے بعد اڑیسا میں بھی دو ہفتوں کے لاک ڈاؤن کا اعلان کیا ہے جبکہ کورونا ٹاسک فورس نے مودی حکومت کو ملک بھر میں لاک ڈاؤن کا مشورہ دیا ہے۔

دوسری جانب امریکا کے بعد تھائی لینڈ، آسٹریلیا، جرمنی، برطانیہ اور نائجیریا نے بھی بھارتی شہریوں پر سفری پابندیاں لگا دیں ہیں۔ 

مزید خبریں :