'کوئی ایسا دن نہیں گذرا جب میں نے آپ کو یاد نہ کیا ہو'

فوٹو: فائل/ سنجے دت انسٹاگرام

بالی وڈ  اداکارہ نرگس دت کے مداح  آج ان کی 40 ویں برسی منارہے ہیں۔

نرگس کے بیٹے اور معروف بالی وڈ اداکار سنجے دت نے اپنی والدہ کی برسی پر سوشل میڈیا پر پیغام شیئر کیا ہے اور ان کےساتھ اپنے بچپن کی یادگار تصویر بھی شیئر کی ہے۔

تصویر میں دیکھا جاسکتا ہےکہ ننھے سنجے دت اپنی والدہ کی بانہوں میں کافی خوش نظر آرہے ہیں۔

پوسٹ میں سنجے نے لکھا ہےکہ ' ماں کوئی ایسا دن نہیں گذرا جب میں نے آپ کو یاد نہ کیا ہو'۔

خیال رہےکہ اداکارہ نرگس 1981 میں کینسرکے باعث انتقال کرگئی تھیں اور اس کے 3 دن بعد ہی سنجے دت کی پہلی فلم 'راکی' ریلیز ہوئی تھی۔

پوسٹ میں صارفین کی جانب سے تصویر کو پسند کرنے کے ساتھ ان کی والدہ کے لیے نیک تمناؤں کا بھی اظہار کیا جارہا ہے۔

مزید خبریں :