نوال سعید اور ارسلان فیصل شوبز انڈسٹری کا نیا جوڑا؟
05 مئی ، 2021
سوشل میڈیا پر اداکارہ صبور علی اور اداکار علی انصاری کے بعد شوبز انڈسٹری سے تعلق رکھنے والے ایک اور جوڑے نوال سعید اور ارسلان فیصل سے متعلق قیاس آرائیاں کی جا رہی ہیں۔
یہ قیاس آرائیاں اس وقت شروع ہوئیں جب اداکار ارسلان فیصل نے اداکارہ نوال سعید کی انسٹاگرام پر تبصرے میں ہارٹ اور فلاور ایموجی شیئر کیا۔
بعد ازاں اداکارہ نوال سعید کی جانب سے بھی mine لکھ کر ارسلان فیصل کی ایموجی کا جواب دیا گیا۔
خیال رہے کہ یہ پہلا موقع نہیں ہے جب دونوں اداکاروں کی جانب سے ایک دوسرے کی سوشل میڈیا پوسٹ پر تبصرے میں ہارٹ ایموجیز یا معنی طلب تبصرے بھیجے گئے ہوں۔
تاہم اب تک دونوں اداکاروں کی جانب سے اس حوالے سے کوئی تردید یا تصدیق سامنے نہیں آسکی ہے۔
واضح رہے کہ اداکار ارسلان فیصل سینئر اداکارہ صباء فیصل کے صاحبزادے ہیں جبکہ نوال سعید شوبز انڈسٹری کی ابھرتی ہوئی اداکارہ ہیں۔
