06 مئی ، 2021 
ایک تاجرکی میت پر رقم کے عوض رونے دھونے کی پیشکش ہوئی تھی، چنکی پانڈے
06 مئی ، 2021
شوبز شخصیات کو شادیوں اور دیگر تقریبات میں مدعو کرنا معمول کی بات ہے جس کے لیے انہیں معاوضہ بھی ادا کیا جاتا ہے تاہم بالی وڈ اداکار چنکی پانڈے کو ایک مرتبہ میت پر رونے اور بین کرنے کے لیے 5 لاکھ بھارتی روپے کی پیشکش ہوئی تھی۔
ایک انٹرویو میں چنکی پانڈے نے بتایا کہ 2009 میں انہیں ایک بزنس مین کے انتقال پر اس کے گھر والوں نے رابطہ کیا ۔
چنکی کے مطابق وہ لوگ چاہتے تھے کہ میں مرحوم کی آخری رسومات میں شریک ہوں اور تھوڑا رونا دھونا بھی کروں، کیونکہ وہ میری شرکت سے اپنے قرض داروں کو یہ تاثر دینا چاہتے تھےکہ انہوں نے کسی فلم میں سرمایہ لگا رکھا ہے جس کی ریلیز کے بعد وہ تمام قرض لوٹا دیں گے۔
اداکار نے بتایا کہ میں نے تو فوراً اس پیشکش سے انکار کردیا تاہم پھر فیملی کی حالت دیکھ کر مجھے ترس آگیا اور میں نے ایک اور اداکار کو وہاں بھیج دیا، تاہم چنکی پانڈے نے اس اداکار کا نام نہیں بتایا۔
ان کا کہنا تھا کہ اخلاقی طور پر مجھے اس اداکار کا نام بتانے کی اجازت نہیں، وہ شخص میرے بجائے بڑی آسانی سے چلا گیا تھا، آخر ایک جگہ بت بن کرکھڑے ہونےکے لیے 5 لاکھ روپے کی رقم کم نہیں ہوتی۔
چنکی پانڈے نے 5 لاکھ میں سے کمیشن لینے سے متعلق انکار کرتے ہوئے کہا کہ ایک اداکار کی حیثیت سے میں آخری رسومات میں نہیں بلکہ فلموں میں کام کرنا چاہتا ہوں۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
