08 مئی ، 2021 
پاکستان
کورونا کی برطانوی ویکسین ایسٹرا زینیکا کی پہلی کھیپ پاکستان پہنچ گئی
08 مئی ، 2021
کورونا وائرس کی برطانوی ویکسین ایسٹرا زینیکا کی پہلی کھیپ پاکستان پہنچ گئی۔
ترجمان وزارت صحت کے مطابق ایسٹرا زینیکا ویکسین کی پہلی کھیپ اسلام آباد انٹرنیشنل ائیرپورٹ پہنچادی گئی ہے، ویکسین کی پہلی کھیپ میں 12 لاکھ 48 ہزار 400 خوراکیں شامل ہیں۔
ترجمان وزارت صحت نے بتایا کہ ایسٹرا زینیکا ویکسین کی پہلی کھیپ کوویکس فیسیلیٹی کے تحت لائی گئی ہے۔
واضح رہےکہ پاکستان میں کورونا وائرس کی ویکسی نیشن جاری ہے جس میں شہریوں کو چین کی سائنو فارم، کین سائنو بائیو ویکسین لگائی جارہی ہے۔
