09 مئی ، 2021 
پیاری باجی کیوں چلی گئیں؟ اسما عباس کا سنبل شاہد کے انتقال پر جذباتی پیغام
09 مئی ، 2021
ڈرامہ انڈسٹری کی مقبول ترین اداکارہ اسما عباس نے اپنی بہن سنبل شاہد کی وفات کے بعد سوشل میڈیا پر پہلی پوسٹ ایک جذبانی پیغام کے ساتھ شیئر کی۔
سینئر اداکارہ اسما عباس نے فوٹو اور ویڈیو شیئرنگ ایپ انسٹاگرام پر ایک یادگار تصویر شیئر کی جس میں اداکارہ کے ہمراہ زارا نور عباس اور سنبل شاہد بھی موجود ہیں۔
انہوں نے تصویر پر جذبات سے بھرپور کیپشن بھی درج کیا جس میں لکھا تھا کہ پیاری باجی کیوں چلی گئیں؟ ابھی تو بہت جلدی تھی۔
تصویر پر معروف شخصیات سمیت مداحوں نے سنبل شاہد کی مغفرت کے لیے دعائیہ پیغام بھی دیے۔
یاد رہے اداکارہ سنبل شاہد چند روز قبل کورونا سے جنگ لڑتے ہوئے جان کی بازی ہار گئی تھیں۔
سنبل شاہد نے جیو ٹی وی پر نشر کیے جانے والی مشہور ڈرامہ سیریز تاکے کی آئے گی بارات میں تاکے کی ماں کا کردار ادا کیا تھا جسے مداح آج بھی فراموش نہیں کر سکتے۔
