چینی راکٹ کا ملبہ جزائز مالدیپ کے قریب بحر ہند میں گر گیا
09 مئی ، 2021
خلا میں بھیجے گئے چین کے راکٹ کا ملبہ جزائر مالدیپ کے نزدیک بحرہند میں گر گیا۔
غیر ملکی میڈیا کے مطابق چینی راکٹ کے ملبے کا زیادہ تر حصہ خلا میں ہی جل گیا تھا جب کہ چینی حکام کا کہنا ہے کہ تاحال یہ واضح نہیں ہو سکا ہے کہ راکٹ کا ملبہ مالدیپ کے کسی جزیرے پر بھی گرا ہے یا نہیں۔
خیال رہے کہ چینی راکٹ فائیو بی میں ماڈیول 29 اپریل کو خلا میں بھیجا گیا تھا، اس راکٹ کا 23 ٹن وزنی بوسٹر شروع میں گرنے کے بجائے مدار تک چلا گیا تھا جب کہ عام طور پر راکٹ کے بوسٹر اسٹیج لانچنگ کے فوری بعد ہی زمین کی جانب واپس لوٹ آتے ہیں۔
