10 مئی ، 2021 
متحدہ عرب امارات نے پاکستان و دیگر ممالک سے آنے والے مسافروں پرپابندی لگادی
10 مئی ، 2021
متحدہ عرب امارات نے کورونا وبا کے باعث پاکستان، بنگلادیش، نیپال اور سری لنکا سے آنے والے مسافروں پرپابندی لگادی۔
پابندی کا اطلاق بدھ 12 مئی کورات 12 بجے سےہوگا۔ اس پابندی کا اطلاق اماراتی اور تمام غیر ملکی ائیرلائنز پر ہوگا۔ ساتھ ساتھ ان ممالک سے ٹرانزٹ مسافروں پر بھی پابندی ہوگی البتہ وہ ٹرانزٹ فلائٹس جو یو اے ای آرہی ہیں اور ان کی منزل مذکورہ ممالک ہیں انہیں یو اے ای آنے کی اجازت ہوگی۔
ہدایت نامے میں کہا گیا ہے کہ کارگو فلائٹس، اماراتی شہریوں، سفارتی مشنز، سرکاری وفود، گولڈن ویزا ہولڈرز اور تاجروں کے طیاروں کو پابندی سے استثنیٰ حاصل ہوگا۔ پابندی کب تک نافذ رہے گی اس حوالے سے تفصیل نہیں بتائی گئی۔
اس حوالے سے خلیج ٹائمز کی رپورٹ میں کہا گیا ہے کہ پاکستان کی نجی ائیرلائنز ائیر بلیو اور سیرین ائیر کا مؤقف ہے کہ یو اے ای سے پاکستان کے بڑے شہروں میں ان کی عید پروازیں معمول کے مطابق جاری رہیں گی کیوں کہ یو اے ای سے پاکستان آنے والی پروازوں پر پابندی نہیں ہے۔
علاوہ ازیں ایوی ایشن ذرائع کا کہنا ہے کہ اس پابندی کے بعد پاکستان سے یو اے ای جانے والی عید پروازوں کے حوالے سے خدشات پیدا ہوگئے ہیں۔
خیال رہے کہ پاکستان میں آج کورونا سے مزید 78افراد انتقال کر گئے ہیں جبکہ 3 ہزار 447 نئے مریض سامنے آئے اور کورونا مثبت کیسز کی شرح 9فیصد سے زائد رہی۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
ترکیہ: فیکٹری میں دھماکا خیز مواد پھٹنے سے 12 افراد ہلاک
24 دسمبر ، 2024
جنوبی کوریا میں اپوزیشن کا قائم مقام صدر کے مواخذےکا بھی اعلان
24 دسمبر ، 2024
