18 مئی ، 2021 
فلسطینیوں سے اظہار یکجہتی کے مظاہرے میں شوبز شخصیات کی شرکت
18 مئی ، 2021
لاہور: گزشتہ روز لاہور میں فلسطینیوں پر ہونے والے مظالم کے خلاف مظاہرے کیے گئے جس میں نامور شوبز شخصیات نے شرکت کی۔
ارمینہ رانا، دنانیر مبین اور اداکار فواد خان سمیت پاکستان کی کئی معروف شخصیات نے فلسطین کے مسلمانوں سے اظہار یکجہتی کرتے ہوئے مظاہرے میں شرکت کی جن کی تصاویر بھی سوشل میڈیا پر وائرل ہوئیں۔
فواد خان نے اپنی اہلیہ اور بیٹی کے ساتھ شریک ہوئے اورانہوں نے پلے کارڈ بھی اٹھا رکھا تھا جس پر فری فلسطین درج تھا۔
غزہ کے مسلمانوں کے حق میں آواز اٹھانے والوں میں دنانیر اور ہانیہ عامر بھی پیش پیش تھیں۔
اس کے علاوہ لاہور میں ہونے والے احتجاج میں عثمان خالد بٹ، پروڈیوسر عمارہ حکمت اور مریم نفیس سمیت دیگر شامل تھے۔
دوسری جانب انگلینڈ کے شہر مانچسٹر میں ہونے والے مظاہروں میں اداکارہ ارمینہ رانا خان نے شرکت کی جہاں فلسطین کے معصوم بچوں کی یاد میں شمعیں روشن کی گئیں۔
اداکارہ نے ٹوئٹر پر تصاویر جاری کرتے ہوئے لکھا کہ 'ہمارے دل افسردہ تھے لیکن یہ ایک پرامن تقریب تھی جہاں فلسطینیوں کیلئے مسلمانوں، ہندو، عیسائیوں نے مل کر آواز اٹھائی'۔
انہوں نے مزید لکھا کہ 'تقریب میں ہم نے تمام شہید ہونے والے بچوں کے نام لیے۔ ہمارا پیغام ہے کہ ہم یہ سب تنہا نہیں کرسکتے، ہم چاہتے ہیں کہ سب ہمارے ساتھ شامل ہوں'۔
مزید خبریں :
سلمان کے بعد شاہ رخ خان کو بھی جان سے مارنےکی دھمکی
11 گھنٹے پہلے
امریکی انتخابات: اداکارہ ریما نے کسے ووٹ دیا؟
06 نومبر ، 2024
