20 مئی ، 2021 
حماس کے حملوں نے مشرق وسطیٰ میں طاقت کا توازن بدل دیا، سربراہ ایرانی پاسداران انقلاب
20 مئی ، 2021
ایرانی پاسداران انقلاب کے سربراہ جنرل حسین سلامی نے غزہ سے اسرائیل پر حملوں کی حمایت کرتے ہوئے کہا ہےکہ حماس کے حملوں نے مشرق وسطیٰ میں طاقت کا توازن بدل دیا ہے۔
تہران میں فلسطینیوں کی حمایت میں نکالی گئی ریلی سے خطاب کرتے ہوئے جنرل حسین سلامی نے کہا کہ آج ہم نیا فلسطین دیکھ رہے ہیں جو میزائل سے اسرائیل کا مقابلہ کر رہا ہے۔
ان کا کہنا تھا کہ ہم نیا اسرائیل بھی دیکھ رہے ہیں جو کہ شکست خوردہ، مایوس اور اعتماد کھوچکا ہے۔
جنرل حسین سلامی نے دعویٰ کیاکہ فلسطینی میزائل سے لیس ہیں اور وہ اسرائیل کی صنعتیں اور ہوائی اڈے تباہ کرنےکی صلاحیت رکھتے ہیں۔
انہوں نے مزید کہا کہ یہ جنگ صرف فلسطینیوں کی اسرائیل کے ساتھ نہیں بلکہ یہ تمام مسلمانوں کی عالمی سامراج کے خلاف جنگ ہے۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
