22 مئی ، 2021
وزیراعظم عمران خان کے معاون خصوصی برائے صحت ڈاکٹر فیصل سلطان کا کہنا ہے کہ شہری ویکسین کی باریکی میں نہ جائیں اللہ کا نام لے کرویکسین لگوائیں۔
انہوں نے کہا کہ حکومت نے کورونا کی جو ویکسینز منظور کی ہیں وہ بہترین ہیں۔
معاون خصوصی برائے صحت ڈاکٹر فیصل سلطان نے جیو نیوز سے گفتگو میں کہا کہ جتنی زیادہ ویکسین لگے گی اتنی جلدی نارمل لائف کی طرف آنے میں کامیاب ہوں گے، جب تک آبادی کا بڑا حصہ کور نہیں کرتے نارمل زندگی کی طرف نہیں آپائیں گے۔
انہوں نے کہا کہ پانچ لاکھ سے زائد افراد کی یومیہ ویکسینیشن ہوگی تو ہدف پورا ہوگا۔