22 مئی ، 2021 
پاکستان
عالمی ادارہ صحت نے چینی ویکسین کو منظور کرلیا ہے، پاکستان کا مؤقف— فوٹو:فائل
عازمین حج کیلئے ویکسین کی شرط: سعودیہ چینی ویکسین بھی تسلیم کرے، پاکستان
22 مئی ، 2021
سعودی حکومت کی جانب سے عازمین حج کیلئے کورونا ویکسینیشن کی شرط کے بعد پاکستانی وزارت خارجہ نے سعودی حکومت سے رابطہ کیا ہے۔
پاکستان نے سعودی حکومت سے چینی ویکسین رجسٹرڈ کرنے کی درخواست کی ہے۔ پاکستان کا مؤقف ہے کہ پاکستانیوں نے چینی ویکسین لگوائی ہے اور ڈاکٹرز دوبارہ کوئی اور ویکسین لگوانےکی اجازت نہیں دیتے۔
پاکستان نے درخواست دی کہ سعودی وزارت صحت چینی ویکسین کو اجازت دے۔
پاکستان کا مؤقف ہے کہ عالمی ادارہ صحت نے چینی ویکسین کو منظور کرلیا ہے۔
خیال رہے کہ سعودی ٹریول پالیسی کے مطابق سعودی عرب صرف ان شہریوں کو مملکت میں داخلے کی اجازت دے گا جنہوں نے فائزر، موڈرنا، جانسن اینڈ جانسن اور ایسٹرازینیکا کی ویکسین لگوائی ہو۔
