23 مئی ، 2021 
صحافی کی گرفتاری کیلئے یونان سے لیتھونیا کی پرواز زبردستی بیلاروس میں اتار لی گئی
23 مئی ، 2021
یورپی ملک یونان سے لیتھونیا جانے والی ریان ائیر کی پرواز کو ایک صحافی کی گرفتاری کیلئے بیلاروس ائیر فورس نے زبردستی دارالحکومت سے منسک ائیرپورٹ پر اتار لیا۔
ایوی ایشن ذرائع کے مطابق ریان ائیر کی پرواز ایف آر 4974 نے مقامی وقت کے مطابق صبح ساڑھے 7 بجے یونان کے ایتھنز ائیرپورٹ سے لیتھونیا کے دارالحکومت ویلینیئس کیلئے ٹیک آف کیا۔
طیارہ معمول کے مطابق پرواز کرتے ہوئے سوا دو گھنٹے بعد بیلاروس کی حدود میں داخل ہوا تو بیلاروس ائیر فورس کے طیاروں نے اسے گھیرے میں لے لیا۔
بیلاروس ائیرفورس نے طیارے کو دارالحکومت منسک انٹرنیشنل ائیرپورٹ پر اتار لیا۔
ذرائع کے مطابق بیلاروس کے مشہور حکومت مخالف صحافی رومن پروٹاسویچ اس پرواز میں سفر کر رہے تھے۔
ایوی ایشن ذرائع کے مطابق منسک ائیرپورٹ اترنے کے بعد بوئنگ 737 طیارے کو قانون نافذ کرنے والے اداروں نے گھیرے میں لے لیا جنہوں نے طیارے میں داخل ہوکر صحافی رومن پروٹاسویچ کو شناخت کے بعد گرفتار کرلیا۔
ایوی ایشن کے ماہرین بیلاروس کے ڈکٹیٹر لوکاشینکو کے حکم پر بیلاروس ائیر فورس کی جانب سے ریان ائیر کے طیارے کو زبردستی اتارنے اور دیگر مسافروں کی زندگیوں کو خطرے میں ڈالنے پر کافی تنقید کر رہے ہیں۔
مزید خبریں :
بھارت میں 48 گھنٹوں میں 8 ہاتھیوں کی موت معمہ بن گئی
4 گھنٹے پہلے
اسرائیلی شہر حیفا پر حزب اللہ کا راکٹ حملہ، 2 اسرائیلی ہلاک
31 اکتوبر ، 2024
لبنان سے شمالی اسرائیل پر ہونیوالے راکٹ حملے میں 5 افراد ہلاک
31 اکتوبر ، 2024
