25 مئی ، 2021 
فضل الرحمان نے پیپلزپارٹی کی پی ڈی ایم میں واپسی کیلئے شرط رکھ دی
25 مئی ، 2021
اپوزیشن جماعتوں کے اتحاد پاکستان ڈیموکریٹک موومنٹ (پی ڈی ایم) و جمعیت علمائے اسلام کے سربراہ مولانا فضل الرحمان نے پیپلزپارٹی کی اتحاد میں واپسی مشروط کردی۔
مسلم لیگ ن کے صدر و قومی اسمبلی میں قائد حزب اختلاف شہباز شریف نے اسلام آباد میں مولانا فضل الرحمان سے ملاقات کی۔
شہباز شریف نے فضل الرحمان سے خیریت دریافت کی اور پھولوں کا گلدستہ بھی پیش کیا۔
ملاقات میں شہباز شریف نے پیپلز پارٹی اورعوامی نیشنل پارٹی کی پی ڈی ایم میں واپسی کی تجویز دی تاہم مولانا فضل الرحمان نے پیپلز پارٹی کی پی ڈی ایم میں واپسی کو غلطی تسلیم کرنے سے مشروط کردیا۔
انہوں نے کہا کہ دونوں جماعتوں کو رجوع کیلئے وقت دیا لیکن اب تک رابطہ نہیں کیاگیا۔
ان کا کہنا تھاکہ پیپلزپارٹی اور اے این پی کو 29 مئی کو سربراہی اجلاس میں بلانے کی فی الحال کوئی تجویزنہیں، دونوں جماعتوں کی واپسی سے متعلق سربراہی اجلاس میں فیصلہ کریں گے۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
1 گھنٹے پہلے
سندھ پنجاب سرحد کو ٹریفک کیلئے کھول دیا گیا
3 گھنٹے پہلے
