وفاقی حکومت کا بجٹ میں سرکاری ملازمین کی تنخواہوں میں 10فیصد اضافے پر غور
26 مئی ، 2021
وفاقی حکومت کی طرف سے نئے مالی سال2022-2021 کا بجٹ 11جون کو پیش کیے جانے کا امکان ہے ۔
ذرائع کے مطابق وفاقی حکومت نے بجٹ میں سرکاری ملازمین کی تنخواہوں میں10فیصد اضافے پر غور شروع کر دیا ہے، اس سلسلے میں صوبوں سے مشاورت کی جارہی ہے۔
پنجاب حکومت نے تنخواہوں میں10فیصد اضافے کی مشروط حمایت کر دی ہے، پنجاب حکومت کے ذرائع کا کہنا ہےکہ اگر وفاقی حکومت پنجاب کو اضافی فنڈز دے تو وہ تنخواہوں میں10فیصد اضافہ کر سکتےہیں۔
پنجاب حکومت کامؤقف ہےکہ پہلے ہی سیکرٹریٹ ملازمین کو ایگزیکٹو الاؤنس دیاجا رہا ہے، دیگر ملازمین کو 25 فیصدالاؤنس یکم جون سے ادا کرنا ہے۔
