دنیا
Time 04 جون ، 2021

سعودی دارالحکومت ریاض میں محافل موسیقی کی بحالی کا اعلان

فوٹو: فائل

سعودی عرب نے دارالحکومت ریاض میں محافل موسیقی کی بحالی کا اعلان کردیا۔

 کورونا وائرس کی وجہ سے محافلِ موسیقی پر بھی پابندی لگی ہوئی تھی  جسے اب بحال کرنے کا اعلان کیا گیا ہے۔

سعودی حکام کے مطابق محافلِ موسیقی میں صرف 40 فی صد حاضری کی اجازت ہوگی۔

حکام کا کہنا ہے کہ محافل موسیقی میں شرکت کرنے یا حصہ لینے والے فن کاروں کے لیے ضروری ہے کہ انہوں نے کورونا  ویکسین لگوائی ہو جب کہ  تقریب میں ایس او پیز کا خیال رکھنا ضروری ہے۔

دوسری جانب محکمہ صحت کے مطابق  پچھلے 24 گھنٹوں میں ریاض میں کورونا کے ایک ہزار 201 نئے کیس سامنے آئے ہیں جب کہ 16 کورونا مریض جان سےگئے۔ 

مزید خبریں :