Can't connect right now! retry

جیف بیزوس کا بھائی کے ہمراہ خلا کے سفر کا اعلان

بلیو اوریجن کے کیپسول میں جیف بیزوس کے ساتھ خلا میں جانے کیلئے سیٹ کی آن لائن نیلامی جاری ہے— فوٹو:فائل 

دنیا کے امیر ترین شخص اور ایمازون کے مالک جیف بیزوس نے بھائی کے ہمراہ  اپنی کمپنی کی خلا تک پہلی انسانی فلائٹ میں سفر کا اعلان کردیا۔ 

رپورٹس کے مطابق جیف بیزوس نے انسٹاگرام پر ایک پوسٹ میں بھائی کے ہمراہ خلا میں جانے کا اعلان کیا اور کہا کہ 20 جولائی کو بھائی کے ہمراہ سفر کا آغاز کروں گا۔

جیف بیزوس ہی ایرو اسپیس کمپنی بلیو اوریجن کے مالک ہیں اور ان کی یہ پرواز ایمازون کی ذمہ داروں سے سبکدوش ہونے کے 2 ہفتوں بعد اڑان بھرے گی۔ 

بلیو اوریجن  کمپنی کی جانب سے خلا تک یہ پہلی انسانی فلائٹ ہوگی جبکہ اس سے قبل پروفیشنل خلا باز ہی مدار تک جاسکیں ہیں۔ 

بلیو اوریجن کے کیپسول میں جیف بیزوس کے ساتھ خلا میں جانے کیلئے سیٹ کی آن لائن نیلامی جاری ہے۔

نیلامی میں سیٹ کی بولی 28 لاکھ ڈالرز تک پہنچ چکی ہے جبکہ پہلی انسانی فلائٹ میں جیف بیزوس کے بھی جانے کے اعلان کے بعد بولی میں اضافہ ہوگیا ہے تاہم حتمی نیلامی کا اعلان 12 جون کو ہوگا۔

بلیو اوریجن کی جانب سے خلا کی سیاحت کیلئے ڈیزائن کردہ کیپسول میں 6 افراد کے سفر کی گنجائش موجود ہے جبکہ اس کی آزمائشی پرواز بھی رواں سال اپریل میں ہوئی تھی۔

امریکی میگزین فوربز کے مطابق ایمازون کے مالک جیف بیزوس کے  186 ارب ڈالرز اثاثے ہیں اور ان کا شمار دنیا کے امیر ترین افراد میں ہوتا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM