Can't connect right now! retry

‘کار ڈانس ویڈیو وائرل ہونے کے بعد 2 دن کیلئے یادداشت بھول گئی تھی‘

فوٹوفائل

اداکارہ نیلم منیر کا کہنا ہے کہ کار ڈانس ویڈیو وائرل ہونے کے بعد وہ دو دن کے لے یادداشت بھول گئی تھیں۔

سوشل میڈیا پر اداکارہ کا ایک انٹرویو کلپ خاصا وائرل ہورہا ہے جس میں انہیں اداکار احسن خان کے ہمراہ میزبان کے سوال پر ڈانس ویڈیو سے متعلق گفتگو کرتے دیکھا جاسکتا ہے۔

نیلم منیر کا کہناتھا کہ جب یہ ویڈیو وائرل ہوئی میں دو دن کے لیے یادداشت بھول گئی تھی کیوں کہ میں نے توقع نہیں کی تھی کہ سوشل میڈیا پر اس ویڈیو کا رد عمل کچھ اس طرح سے آئے گا۔

انہوں نے کہا کہ جب میں اس واقعے کے بعد لاہور پہنچی اور صبح اٹھی تو میرے ذہن پر اتنا دباؤ تھا کہ کراچی میں اپنے گھر کا ایڈریس بھول چکی تھی، کوئی 4 ہزار واٹس ایپ میسج مجھے مل چکے تھے اور میں ڈر گئی تھی کہ اب پتہ نہیں کیا ہوگا لیکن اللہ کا شکر سب بہتر رہا۔

نیلم منیر نے مزید بتایا کہ بہت سارے لوگوں کا خیال تھا کہ یہ ویڈیو میک اپ آرٹسٹ نے بنائی جب کہ اکثر کی رائے تھی کہ میں نے یہ ویڈیو خود بنائی در اصل یہ ویڈیو میری دوستوں نے بنائی اور اس ویڈیو میں ایسا کچھ نہیں تھا سوائے میری اداؤں کے، اس میں نے نہ کپڑے چھوٹے پہنے تھے نہ ہی کوئی لڑکا ساتھ تھا۔

اداکارہ کا کہنا تھا کہ شاید یہ شہرت میرے نصیب میں تھی جو مجھے ملی اسے چاہے اب لوگ جو بھی سمجھیں۔

خیال رہے کہ کچھ عرصہ قبل نیلم منیر کی کار میں ڈانس کرتی ویڈیو وائرل ہوئی تھی جس پر اداکارہ کو شدید تنقید کا نشانہ بنایا گیا تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM