11 جون ، 2021 
پاکستان
بجٹ کابینہ سے منظور، تنخواہوں اور پینشن میں اضافے کی بھی منظوری مل گئی
11 جون ، 2021
اسلام آباد: وفاقی کابینہ نے آئندہ مالی سال کے لیے بجٹ کی منظوری دےدی۔
وزیراعظم عمران خان کی زیر صدارت وفاقی کابینہ کا اجلاس ہوا جس میں آئندہ مالی سال کے بجٹ، ترقیاتی پروگرام اور دیگر امور پر غور کیا گیا۔
ذرائع کے مطابق وفاقی کابینہ نے بجٹ 2021-22 کی منظوری دے دی ہے جب کہ کابینہ نے سرکاری ملازمین کی تنخواہوں اور پینشن میں بھی 10 فیصد اضافے کی منظوری دے دی ہے۔
ذرائع کا کہنا ہےکہ وفاقی کابینہ نے موبائل فون پر ٹیکس لگانے کی بھی منظوری دی ہے۔
وفاقی کابینہ کی باضابطہ منظوری کے بعد اب بجٹ کو قومی اسمبلی میں پیش کیا جائے گا۔
