کراچی میں آوارہ کتوں نے ایک اور شخص کی جان لے لی
14 جون ، 2021
کراچی میں کتے کے کاٹنے سے ایک شخص انتقال کرگیا۔
جناح اسپتال کی ایگزیکٹو ڈائریکٹر ڈاکٹر سیمی جمالی نے بتایا کہ 45 سالہ شخص اورنگی ٹاؤن کا رہائشی تھا جسے 3 ماہ قبل کتے نے کاٹا تھا۔
سیمی جمالی کے مطابق بروقت ریبیز کی ویکسین نہ لگنے سے مریض کی حالت خراب ہوئی۔
ڈاکٹر سیمی جمالی نے بتایا کہ حالت بگڑنے پرمریض کو گزشتہ روز جناح اسپتال میں لایا گیا تھا جو جان کی بازی ہار گیا۔
