17 جون ، 2021 
آزادی پسند ہوں، شادی زندگی کا مقصد نہیں: کنزہ ہاشمی
17 جون ، 2021
پاکستانی اداکارہ کنزہ ہاشمی کا کہنا ہے کہ ان کی شادی میں ابھی وقت ہے اور جب وقت آئے گا تو ہوجائے گی۔
اداکارہ کنزہ ہاشمی نجی ٹی وی کے ایک پروگرام میں شریک ہوئیں اور دوران شو میزبان کے سوال پر شادی سے متعلق اپنے نظریات پر بات کی۔
کنزہ ہاشمی کا کہنا تھا کہ میرا خیال ہے کہ شادی زندگی کا مقصد نہیں ہے، شادی کے بعد ایک نئی زندگی کا آغاز ہوتا ہے لیکن یہ زندگی نہیں ہے۔
اداکارہ نے مزید کہا کہ جب آپ کو لگے کہ آپ کو زندگی میں اب کسی پارٹنر کی ضرورت ہے تو آپ کو شادی کرلینی چاہیے۔
ایک سوال کے جواب میں اداکارہ کا مزید کہنا تھا کہ مجھے کسی کے ساتھ تعلق میں رہنے سے زیادہ سنگل رہنا پسند ہے، کیوں کہ کسی کے ساتھ تعلق بنانے کے بعد انسان آزاد نہیں رہ پاتا اور مجھے آزادی پسند ہے۔
خیال رہے کہ اس سے قبل دیے گئے انٹرویو میں اداکارہ کا کہنا تھا کہ انہیں دلہن بننے کا بہت شوق ہے جب بھی دلہن بنوں گی بہت اوور دلہن بنوں گی۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
