18 جون ، 2021 
کراچی کے متعدد سینٹرز میں کورونا ویکسین کی شدید قلت
18 جون ، 2021
کراچی کے متعدد سینٹرز میں انسداد کورونا ویکسین کی قلت پیدا ہو گئی جس کے باعث ویکسین لگوانے کے لیے آنے والے شہریوں کو پریشانی کا سامنا ہے۔
ذرائع کا بتانا ہے کہ محکمہ صحت کے 90 سینٹرز میں سے بیشتر ایسے ہیں جہاں کورونا ویکسین ختم ہو چکی ہے۔
ذرائع کے مطابق ضلع وسطی،کورنگی کے متعدد چھوٹے سینٹرز میں ویکسین کی قلت ہے جبکہ ضلع جنوبی، شرقی اور غربی کے بھی متعدد چھوٹے سینٹرز میں ویکسین کی قلت کا سامنا ہے۔
کراچی کے ضلع شرقی میں 26، غربی میں 13 اور ضلع وسطی میں 13 ویکسی نیشن سینٹرز موجود ہیں جبکہ ضلع ملیر میں 8،کورنگی میں 8، ضلع جنوبی میں 22 سینٹرز ہیں۔
ذرائع محکمہ صحت کے مطابق متعدد ویکسی نیشن سینٹرز میں سنگل ڈوز پاک ویک کی قلت کا سامنا ہے، سائنو فارم ویکسین صرف سیکنڈ ڈوز کے لیے مختص ہے، انسداد کورونا سینٹرز کو سائنو ویک اور ایسٹرازینیکا کی بھی قلت ہے۔
