19 جون ، 2021 
شاہین آفریدی نے پی ایس ایل میں وکٹوں کی نصف سنچری مکمل کر لی
19 جون ، 2021
لاہور قلندرز کے شاہین شاہ آفریدی پاکستان سپر لیگ کے چھٹے ایڈیشن میں اب تک سب سے زیادہ وکٹیں لینے والے بولربن گئے۔
لاہور قلندرز کے نوجوان فاسٹ بولر شاہین شاہ آفریدی نے ملتان سلطانز کے خلاف میچ میں تین کھلاڑیوں کو آؤٹ کیا جس کے ساتھ ان کی وکٹوں کی تعداد 16 ہوگئی اور وہ ابوظبی میں جاری ایڈیشن کے لیڈنگ وکٹ ٹیکر بن گئے۔
ملتان سلطانز کے شاہنواز دہانی اور پشاور زلمی کے وہاب ریاض کی وکٹوں کی تعداد 14 ،14 ہے۔
اس کے علاوہ شاہین آفریدی نے ملتان کے خلاف میچ میں 3 کھلاڑی آؤٹ کرکے پی ایس ایل میں مجموعی طورپر وکٹوں کی نصف سنچری کرلی۔
وہ یہ کارنامہ انجام دینے والے چھٹے بولر ہیں، ان سے قبل وہاب ریاض، حسن علی، محمد نواز، محمد عامر اور فہیم اشرف بھی پچاس پی ایس ایل وکٹیں لے چکے ہیں۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
10 گھنٹے پہلے
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
