19 جون ، 2021 
پاکستان
لاہور: ایکسپو سینٹر میں ویکسین ختم، شہریوں کو ایک ہفتے بعد آنے کی ہدایت
19 جون ، 2021
لاہور کے ایکسپو سینٹر میں کورونا ویکسین ختم ہوگئی۔
جیونیوز کےمطابق ایکسپور سینٹر لاہور کے ہال نمبر تین مین کورونا ویکسین ختم ہونے پر ہال کے دروازے بند کردیے گئے جب کہ بیرون ملک جانے کے لیے ویکسین لگوانے والوں کو اب ایک ہفتے بعد آنے کی ہدایت کی گئی ہے۔
انتظامیہ کی جانب سے ویکسین ختم ہونے کی اطلاع دینے کے بعد شہری ایکسپو سینٹر ہال نمبر 3 کے سامنے بیٹھ گئے جس پر ریسکیو اہلکاروں نے شہریوں سے واپس جانے کی درخواست کی۔
انتظامیہ کا کہنا ہےکہ ویکسین ختم ہونے کے باعث بیرون ملک جانے والےافراد ویکسی نیشن کے لیے ایک ہفتے بعد آئیں۔
