صحت و سائنس

گنج پن کے خاتمے اور خوبصورت بالوں کیلئے کرشماتی تیل

27 جون ، 2021

آج کل ناصرف عمر رسیدہ افراد کو گنج پن کا سامنا کرنا پڑتا ہے بلکہ نوجوان بھی بال گرنے کی شکایت کرتے ہیں، بالوں کے لیے مہنگے سیرمز اور تیل خریدتے ہیں جبکہ کچھ لوگ تو اس کا علاج بھی کرواتے ہیں۔

آج ہم آپ کو ایک ایسے کرشماتی تیل کے بارے میں بتانے جا رہے ہیں جو ناصرف گنج پن کی شکایت کا خاتمہ کرے گا بلکہ بال خوبصورت، گھنے، چمکدار اور لمبے کرنے میں بھی مفید ثابت ہوگا۔

انڈے کی زردی کا تیل

اس کے لیے آپ ایک درجن انڈے لیں اور ان کی زردیاں الگ کر لیں، پھر زردیوں کو کسی پین میں ڈال کر ہلکی آنچ پر اس وقت تک پکنے دیں جب تک اس میں سے تیل نا نکلے، تیل نکل جانے پر اسے چھلنی کی مدد سے چھان لیں۔

فائدے

انڈے کی زردیاں ٹرائی گلائیسیرائڈس، فاسفولیپیڈز اور کولیسٹرول سے بھرپور ہوتی ہیں جو آپ کے بالوں کے روکھے پن کو ختم کرنے میں مددگار ثابت ہوگا۔ اس کے علاوہ اس میں فیٹی ایسڈ اومیگا تھری اور اومیگا 6 کا خزانہ پایا جاتا ہے جو خلیات کی نشونما کیلئے بہترین ہے۔

علاوہ ازیں کولیسٹرول کی موجودگی بالوں کو نرم و ملائم رکھنے میں بھی مدد دے گی۔

انڈے میں موجود اینٹی آکسیڈنٹس لوٹین اور زی زینتھن جو زردی کو پیلا رنگ دیتا ہے، وہ بالوں کو ٹوٹنے سے بچاتے ہیں، یہ سر کی جلد کو آکسیجن کی فراہمی کا سبب بنتے ہیں جس کی وجہ سے بال تیزی سے بڑھنا شروع ہو جاتے ہیں۔