دلیپ کمار کے منہ بولے بیٹے شاہ رخ خان سائرہ بانو کو دلاسہ دینے پہنچ گئے

بھارتی فلم نگری کے عظیم اداکار یوسف خان المعروف دلیپ کمار کے منہ بولے بیٹے و اداکار شاہ رخ خان بھی ان کے گھر پہنچ گئے۔

دلیپ کمار 98 سال کی عمر میں آج ممبئی کے مقامی اسپتال میں انتقال کرگئے اور ان کے انتقال کے بعد فلم انڈسٹری کے علاوہ بھارت بھر میں سوگ منایا جارہا ہے۔

ایسے میں دلیپ کمار کے منہ بولے بیٹے شاہ رخ خان بھی ان کے گھر پہنچے ہیں۔

شاہ رخ خان کی غم سے نڈھال سائرہ بانو کے پاس بیٹھے  دلاسہ دینے کی تصاویر سوشل میڈیا پر وائرل ہورہی ہیں۔

اس کے علاوہ بالی وڈ کے نامی گرامی اداکار بھی تعزیت کیلئے دلیپ کمار کے گھر پہنچ رہے ہیں۔