11 جولائی ، 2021 
علی فضل زندگی کا کون سا واقعہ فراموش کرنا چاہتے ہیں؟
11 جولائی ، 2021
بالی وڈ اداکار علی فضل نے انکشاف کیا ہے کہ ایک بار شوٹنگ کے دوران غصے کی وجہ سے انہوں نے ایک بچے کا فون توڑ دیا تھا۔
بھارتی میڈیا کو انٹرویو دیتے ہوئے علی فضل نے بتایا کہ یہ واقعہ بھارتی تھرلر سیریز 'مرزاپور' کی شوٹنگ کے دوران پیش آیا تھا۔
میزبان کی جانب سے علی فضل سے سوال کیا گیا کہ کوئی ایسا قصہ بتائیں جِسے آپ فراموش کرنا چاہتے ہوں۔ اداکار نے جواب دیتے ہوئے کہا کہ مرزاپور کے پہلے سیزن کے دوران ہم شوٹنگ میں مصروف تھے اور میں کافی غصے میں تھا۔
اداکار کا کہنا تھا کہ میرا غصہ انسانوں کے بجائے چیزوں پر نکلتا ہے، اسی حوالے سے میں نے ایک بہت بڑی غلطی کی تھی۔ ہم چھوٹے سے علاقے میں شوٹنگ کر رہے تھے جہاں ایک بچہ پیچھے سے اپنے موبائل میں ریکارڈنگ کر رہا تھا۔
علی نے کہا کہ میں نے اسے منع کیا تو وہ نا مانا اور ریکارڈنگ کرتا رہا، سین کی عکس بندی کے دوران میں وکرانت میسی کے ساتھ موٹرسائیکل پر سوار تھا کہ میں نے اس بچے کا فون لے کر دور پھینک دیا جس سے وہ مکمل طور پر ٹوٹ گیا۔
اداکار کا کہنا تھا کہ یہ بہت زیادہ ہوگیا تھا، میں تین گھنٹے ورک آؤٹ کرتا تھا، اس وقت 14 گھنٹے سے ہم شوٹ کر رہے تھے، نیند بھی پوری نہیں تھی تو میں اپنے غصے پر قابو نہیں رکھ پایا۔
علی فضل نے بتایا کہ بعدازاں ہم نے اس بچے کو نیا فون بھی خرید کر دیا تھا۔
مزید خبریں :
ریکھا کے خاتون مینیجر سے تعلقات کی خبروں نے نیا تنازع کھڑا کردیا
16 دسمبر ، 2024
عالمی شہرت یافتہ بھارتی طبلہ نواز ذاکر حسین انتقال کرگئے
15 دسمبر ، 2024
