13 جولائی ، 2021 
ویڈیو:محبوب کی کسی اور سے شادی کا سن کر لڑکی روتی بلکتی شادی ہال پہنچ گئی
13 جولائی ، 2021
محبت کے بعد محبوب کی شادی کسی اور سے ہوجانا یا دھوکا مل جانا ایسے واقعات تو دنیا بھر میں دیکھے جاچکے ہیں لیکن محبوب کی کسی اور سے شادی کا سن کر لڑکی کا بے قابو ہوکر آنسو بہاتے شادی ہال پہنچ جانا شاید ہی کسی نے دیکھا ہوگا۔
بھارتی میڈیا پر بے قابو انداز میں روتی بلکتی بابو بابو کہتی لڑکی کی شادی ہال کے گیٹ پر پہنچنےکی ویڈیو شیئر کی گئی ہے۔
رپورٹ کے مطابق واقعہ بھارتی ریاست مدھیا پردیش میں پیش آیا جہاں ایک دوشیزہ روتی بلکتی بابو بابو کہتی شادی ہال پہنچ گئی، شادی ہال کا گیٹ بند ہونے کی وجہ سے لڑکی وہاں موجود گارڈز اور دیگر افراد سے ایک بار لڑکے سے بات کرنے کے لیے درخواست کرتی رہی۔
ویڈیو میں دیکھا جاسکتا ہے لڑکی کے اردگرد موجود افراد اسے پکڑ کر شادی ہال سے دور لے جانے کی کوشش کررہے ہیں لیکن اس کے باوجود لڑکی لڑکے سے بات کرنے کی کوشش میں ہال کے گیٹ پر بھاگ رہی ہے۔
بھارتی میڈیا کی رپورٹ کے مطابق لڑکی جس لڑکے سے محبت کرتی ہے اس کی شادی ہال میں کسی اور لڑکی سے ہورہی تھی۔
بھارتی میڈیا رپورٹ کے مطابق کانپور کی رہائشی لڑکی کا دعویٰ ہے کہ وہ لڑکے سے گزشتہ تین سال سے تعلقات میں ہے جب کہ دونوں ایک ساتھ بھوپال کی ایک نجی فرم میں کام بھی کرتے ہیں۔
مزید خبریں :
ہر گاڑی میں چھپے ایسے راز جن کا علم بہت کم افراد کو ہوتا ہے
22 دسمبر ، 2024
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
