میری زندگی میں صرف میری ماں ہے: بھارتی سنگھ

دنیا کو ہنسانے والی لافٹر کوئین بھارتی سنگھ کا کہنا ہے کہ انہوں نے اپنے والد کو نہیں دیکھا اور نا ہی ان کی کوئی تصویر گھر میں موجود ہے۔

بھارتی سنگھ کا معروف میزبان و اداکار منیش پال کو دیے گئے ایک انٹرویو کا کچھ حصہ سوشل میڈیا پر وائرل ہورہا ہے جو کہ ابتدائی طور پر منیش کی جانب سے شیئر کیا گیا تھا۔

ویڈیو میں بھارتی نے مداحوں کو بتایا کہ میری زندگی میں صرف ایک چیز ہے اور وہ میری ماں ہیں، صرف 2 سال کی تھی جب میرے والد کا انتقال ہوگیا تھا، ہمارے گھر میں ان کی کوئی تصویر موجود نہیں نا ہی میں لگانے دیتی ہوں۔

بھارتی کا کہنا ہے کہ میرے بھائی نے بھی مجھے ویسا پیار نہیں دیا کیونکہ وہ اپنے کاموں میں مصروف تھا لیکن اب جو شوہر سے محبت مِلی تو پتا چلا کہ کوئی لڑکا کس طرح آپ کی دیکھ بھال کرتا ہے۔