26 جولائی ، 2021 
پاکستان
کورونا کے باعث وزیراعلیٰ ہاؤس سندھ کے دفاتر بندکرنےکا فیصلہ
26 جولائی ، 2021
کورونا وائرس کی وبا کے باعث وزیراعلیٰ ہاؤس سندھ کے دفاتر بند کرنےکا فیصلہ کیا گیا ہے۔
وزیراعلیٰ ہاؤس کی جانب سے جاری سرکلرکے مطابق وزیراعلٰی ہاؤس میں شہریوں کے داخلے پر پابندی لگادی گئی ہے۔
سرکلرکے مطابق وزیراعلیٰ ہاؤس کے 14 دفاتر کے علاوہ دیگر دفاتر بند رہیں گے،14 دفاتر میں 50 فیصد ملازمین کو آنےکی اجازت ہوگی، بند دفاتر کے ملازمین گھروں سےکام کریں گے۔
خیال رہےکہ کراچی میں کورونا وائرس کے کیسز میں تیزی سے اضافہ ہورہا ہے، ترجمان محکمہ صحت کے مطابق کراچی میں کورونا کے مختص 553 وینٹی لیٹرز میں سے 316 پر مریض موجود ہیں۔
