27 جولائی ، 2021 
دلچسپ و عجیب
فوٹو: سوشل میڈیا
گاڑی چلا کر سسرال جانیوالی دلہن کی ویڈیو وائرل
27 جولائی ، 2021
بھارت سے تعلق رکھنے والی ایک دلہن کی ویڈیو سوشل میڈیا پر وائرل ہورہی ہے جس میں اس نے گاڑی کا اسٹیرنگ سنبھال رکھا ہے۔
ویڈیو میں دیکھا جاسکتا ہے کہ دلہا ڈرائیور کی برابر والی سیٹ پر بیٹھا ہے جب کہ دلہن بغیر اپنے لہنگے کی پرواہ کیے بہترین انداز میں ڈرائیونگ سیٹ پر براجمان ہے۔
وائرل کلپ میں دلہے کی جانب سے دلہن کو ہدایات بھی دی جارہی ہیں جس کے بعد لڑکی مہارت سے گاڑی چلا کر اپنے سسرال کی طرف جارہی ہے۔
ویڈیو میں بھارت کی روایتی رسم و رواج کے برعکس دلہن کا یہ انداز صارفین کو بے حد پسند آیا۔
صارفین کی جانب سے لڑکی سمیت لڑکے اور اس کے گھر والوں کی بھی تعریف کی گئی جنہیں ویڈیو میں تالیاں بجاتے دیکھا جاسکتا ہے۔
