07 اگست ، 2021 
بھارتی اداکارہ دورانِ شوٹنگ بے ہوش، اسپتال منتقل کرنا پڑا
07 اگست ، 2021
بھارتی اداکارہ نشرت بھروچا فلم کی شوٹنگ کے دوران بلڈ پریشر کم ہونے کے باعث بے ہوش ہوگئیں جس کے بعد انہیں ممبئی کے ہندوجا اسپتال لے جایا گیا۔
بھارتی میڈیا رپورٹس کے مطابق اداکارہ ان دنوں ہدایتکار لو رنجن کی فلم کی شوٹنگ میں مصروف ہیں۔
رپورٹ کے مطابق اداکارہ کی گزشتہ کچھ دنوں سے طبیعت ناساز ہے اور اس حوالے سے ان کا کہنا تھا کہ وہ کچھ دنوں سے خود کو کافی کمزور محسوس کررہی ہیں۔
اداکارہ نے کہا کہ انہوں نے سوچا تھا کہ کچھ دنوں میں ٹھیک ہو جائیں گی لیکن ایسا نہ ہوا، سیٹ پر انہیں چکر آنا شروع ہوگئے جس کے بعد گِر پڑیں۔
نشرت بھروچا نے بتایا کہ اسپتال جانے کے بعد انہیں وہیل چیئر کے ذریعے کمرے تک لے جایا گیا۔
ڈاکٹرز نے طبی امداد کے بعد اداکارہ کو اسپتال سے فارغ کردیا اور انہیں 15 روز مکمل آرام کا مشورہ دیا گیا ہے۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
12 گھنٹے پہلے
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
