سارہ علی خان کی ہم شکل اداکارہ سے ہی لاعلم نکلیں

بھارتی اداکارہ سارہ علی خان کی ہمشکل کا کہنا ہے کہ وہ سارہ کو نہیں جانتی تھیں۔

حال ہی میں ایک دلچسپ واقعہ پیش آیا جب صارفین نے انسٹاگرام پر مزاحیہ ویڈیوز بنانے اور کورین میوزک کی مداح خاتون کو بھارتی اداکارہ سارہ علی خان کی ہمشکل قرار دیا۔

خاتون نے وارک یِز نامی انسٹاگرام اکاؤنٹ سے ایک مزاحیہ ویڈیو شیئر کی جس میں انہوں نے بتایا کہ وہ انسٹاگرام پر سوالات کے جواب دے رہی تھیں جب اس کی اسکرین پر ایک سوال آیا جس میں لکھا تھا کیا آپ سارہ علی خان ہیں؟ اس پر انہوں نے طنزیا جواب دیا کہ جی ہاں، یہ سارہ کا ہی اکاؤنٹ ہے۔

پوسٹ پر خاتون نے کیپشن لکھا کہ میں اس وقت تک نہیں جانتی تھی کہ سارہ علی خان کون ہے، جب تک مجھے متعدد لوگوں کے تبصرے موصول نہیں ہوئے۔

انہوں نے لکھا کہ لوگ کہتے ہیں کہ میں سارہ علی خان جیسی لگتی ہوں لیکن مجھے نہیں لگتا کہ ہم ایک جیسے دِکھتے ہیں، مجھے ان تبصروں نے پریشان نہیں کیا، شاید لوگوں کو یہ اس وجہ سے لگتا ہو کیونکہ ہماری بھنویں اور ناک ایک جیسی ہے۔