15 اگست ، 2021 
قائداعظم کے ہمراہ اداکار محمود اسلم کی تصویر، آخر معاملہ کیا ہے؟
15 اگست ، 2021
پاکستان کے سینئر اداکار محمود اسلم نے بانی پاکستان محمد علی جناح کے ہمراہ ایک تصویر شیئر کی ہے۔
محمود اسلم کی جانب سے فوٹو شیئرنگ ایپ انسٹاگرام پر کچھ روز قبل یہ تصویر شیئر کی گئی جس کے کیپشن میں انہوں نے لکھا کہ میں اپنے پسندیدہ رہنما کے ساتھ ہوں۔
تصویر دیکھ کر بخوبی اندازہ لگایا جاسکتا ہے کہ یہ ایڈٹ کی ہوئی تصویر ہے۔
صارفین نے اداکار کی پوسٹ پر دلچسپ تبصرے پیش کیے۔ کچھ مداحوں نے تصویر پر حیرانی کا اظہار کیا جب کہ متعدد صارفین نے پہچان لیا کہ تصویر جعلی ہے اور اسے فوٹو شاپ کیا گیا ہے۔
مداحوں کے تبصروں سے یہ ظاہر ہوتا ہے کہ وہ اداکار کی اس چھوٹی سی شرارت سے کتنا محظوظ ہوئے۔
تاہم محمود اسلم کی جانب سے یہ واضح نہیں کیا گیا کہ آیا یہ تصویر انہوں نے خود فوٹوشاپ کی ہے یا کسی مداح کی جانب سے انہیں بھیجی گئی ہے۔
مزید خبریں :
اداکارہ نیلم منیر کی شادی کی تقریبات کا آغاز
6 گھنٹے پہلے
تشدد کیس، اداکارہ نرگس اور شوہر کے درمیان صلح ہو گئی
02 جنوری ، 2025
