کابل میں امریکی سفارتخانے سے اڑتے ہیلی کاپٹر اور ویتنام سے انخلا کی تصاویر وائرل
15 اگست ، 2021
افغانستان میں طالبان کی تیزی سے پیشقدمی جاری ہے اور انہوں نے دارالحکومت کابل کو گھیرے میں لے لیا ہے۔
طالبان کی جانب سے کابل کے گھیراؤ کے بعد امریکی سفارتخانے سے عملے اور شہریوں کا انخلا بھی تیز ہوگیا۔
ایسے میں امریکی سفارتخانے کے اوپر سے چنیوک ہیلی کاپٹر کی اپنے عملے اور شہریوں کو کابل ائیرپورٹ لیجانے کی تصاویر سوشل میڈیا پر وائرل ہوگئیں۔
ان تصاویر کے ساتھ 1975 میں ویتنام سے امریکی انخلا کے دوران کی بھی ہیلی کاپٹر کے ذریعے اپنے شہریوں کو نکالنے کی تصاویر بھی وائرل ہورہی ہیں۔
وائرل تصاویر پر نامی گرامی صحافیوں اور سوشل میڈیا صارفین نے بھی ردعمل کا اظہار کیا ہے اور طرح طرح کے تبصرے کیے ہیں۔
سوشل میڈیا صارفین نے کابل میں سفارتخانے سے امریکی شہریوں کو ائیرپورٹ لے جانے والی تصاویر کو ویتنام میں امریکی پسپائی سے تشبیہ دی ہے اور اس کے ساتھ ساتھ ویتنام سے انخلا کی بھی تصویر لگائی ہیں۔
پاکستان کی وزیر برائے انسانی حقوق ڈاکٹر شیریں مزاری نے بھی دونوں تصاویر پوسٹ کی ہیں۔
