17 اگست ، 2021 
'افغانستان میں فساد اشرف غنی نے شروع کیا، جو 4 گاڑیوں میں ڈالر بھر کر بھاگ گیا'
17 اگست ، 2021
طالبان رہنما مولوی عبدالحق حماد کا کہنا ہےکہ افغانستان میں فساد اشرف غنی نے شروع کیا ، جو 4 گاڑیوں میں ڈالر بھر کر بھاگ گیا۔
افغان ٹی وی کی خاتون اینکر کو انٹرویو دیتے ہوئے طالبان میڈیا ٹیم کے اہم رہنما مولوی عبدالحق حماد کا کہنا تھا کہ طےہوا تھا کہ اشرف غنی ٹیم کےہمراہ اختیارات طالبان قیادت کے حوالے کریں گے۔
مولوی عبدالحق حماد کا کہنا تھا کہ افغانستان میں متفقہ نظام کےلیے مذاکرات جاری ہیں۔
انہوں نے دعویٰ کیا کہ تما م صوبوں کا کنٹرول حاصل کرنے میں 50 سے زائد افراد نہیں مارے گئے، عوام کی حمایت نہ ہوتی تو صورت حال اتنے بہتر طریقے سے کنٹرول نہ ہوتی۔
مولوی عبدالحق نے مزید کہا کہ طالبان فوجی کمیشن کے سربراہ مولوی محمد یعقوب کی بات طالبان کے لیے حرف آخر ہے۔
خیال رہےکہ افغانستان کے ٹی وی چینل طلوع نیوز پر خواتین اینکرز کے ساتھ نشریات کا دوبارہ آغاز کردیا گیا ہے جسے کابل پر طالبان کے قبضے کے بعد معطل کردیا گیا تھا۔
دوسری جانب طالبان کی جانب سے سرکاری عہدیداروں کے لیے عام معافی کے اعلان پر کابل میں معمولات بحال ہونے لگے ہیں۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
