بِٹ کوائن کی قدر میں کئی ماہ بعد اضافہ ہوگیا

دنیا کی مقبول کرپٹوکرنسی بِٹ کوائن کی قدر میں کئی ماہ بعد اضافے کا آغاز ہوگیا۔

خبر ایجنسی رائٹرز کے مطابق جمعہ کے روز  ٹریڈنگ کے دوران ایک بِٹ کوائن کی قدر میں 5 فیصد اضافہ ہوا جس کے بعد ایک بٹ کوائن کی قیمت 49 ہزار 106 ڈالر ہوگئی جو پاکستانی روپوں میں 80 لاکھ سے زائد بنتی ہے جب کہ رواں برس مئی کے بعد یہ بٹ کوائن کی ریکارڈ قیمت ہے۔

دوسری جانب کرپٹو کرنسی اتھیریم کی خرید و فروخت 3 ہزار 200 ڈالر (5 لاکھ 25 ہزار پاکستانی روپے) میں جاری ہے جب کہ ایک ڈوج کوائن کی قیمت 31 سینٹ  (51 روپے) ہے۔

واضح رہے کہ رواں سال بِٹ کوائن کی قدر میں کافی اتار چڑھاؤ  دیکھنے میں آیا۔