22 اگست ، 2021 
افغانستان سے انخلا کیلئے کابل ائیر پورٹ پر انتظار کرنیوالے 3 افراد چل بسے
22 اگست ، 2021
افغانستان سے انخلا کے لیے کابل ائیر پورٹ کے باہر انتظار کرنے والے 3 افراد جان کی بازی ہار گئے۔
غیر ملکی میڈیا کے مطابق تینوں افراد کی موت مبینہ طور پر ہجوم، افراتفری، حبس اور پانی کی کمی کے باعث ہوئی۔
قطر کے حکام کا کہنا ہے کہ آپریشن کے آغاز سے اب تک 7 ہزار سے زائد افراد کو دوحہ لایا گیا، ساڑھے 8 ہزار سے زائد مسافروں نے متحدہ عرب امارت کے راستے سفر کیا۔
امریکی محکمہ دفاع پینٹا گون کے مطابق گزشتہ ہفتے ڈھائی ہزار امریکیوں سمیت 17 ہزار افراد کا افغانستان سے انخلا کیا گیا۔
دوسری جانب موجودہ صورتحال کے تناظر میں امریکی سفارتخانے نے اپنے شہریوں کو کابل ائیر پورٹ آنے سے منع کر دیا، امریکی شہریوں کو کہا گیا ہے کہ ائیر پورٹ کے دروازے کے باہر ممکنہ سکیورٹی خطرات ہیں اس لیے وہاں آنے سے گریز کیا جائے۔
ادھر چین نے افغانستان میں اپنے باشندوں کو ہدایات جاری کی ہیں کہ کابل ائیر پورٹ اور دیگر افراتفری والے مقامات سے دور رہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
4 گھنٹے پہلے
غزہ پر اسرائیلی بمباری سے مزید 38 فلسطینی شہید
6 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
