23 اگست ، 2021 
ویڈیو: افغانستان میں امریکی فوج کا سازو سامان بچوں کا کھلونا بن گیا
23 اگست ، 2021
افغانستان میں امریکی فوج کے انخلاء کے بعد فوجیوں کی چھوڑی گئی میراث بچوں کے کھیلنے کا سامان بن گئی۔
افغان اردو کے ٹوئٹر ہینڈل پر ایک ویڈیو شیئر کی گئی ہے جس میں چند افغان بچوں کو ٹوٹی ہوئی امریکی فوجی گاڑیوں پر جھولتے اور کھیلتے دیکھا جاسکتا ہے۔
ویڈیو میں موجود چند بچے ٹوٹی پھوٹی امریکی فوجی گاڑی میں چڑھے گاڑی کے اندر کھیل رہے ہیں جب کہ چند کو باہر گاڑی کے مختلف حصوں سے کھیلتے دیکھا جاسکتا ہے۔
دوسری جانب ٹوئٹر پر ایک اور ویڈیو وائرل ہورہی ہے جس میں افغان حکومت کے سرینڈر کیے جانے کے بعد مشرقی افغانستان کے شہر خوست میں طالبان کے ہاتھ لگی چند سرکاری فوجی گاڑیوں کو دکھا یا گیا ہے۔
خیال رہے کہ طالبان نے 15 اگست 2021 کو افغان دارالحکومت کابل پر بھی قبضہ کرلیا تھا جس کے بعد سابق افغان صدر اشرف غنی سمیت متعدد اہم حکومتی عہدے دار ملک سے فرار ہوگئے۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
